Qostanaı oblysynda zańsyz júrgen 11 sheteldik jaýapqa tartyldy

QOSTANAI. QazAqparat – Qostanaı oblysynyń aýmaǵynda «Mıgrant» jedel alý is-sharasy ótip jatyr. Onyń maqsaty - óńirdegi sheteldikterdiń quqyqtyq mártebesin retteý, ákimshilik zańnamanyń saqtalýyna qadaǵalaý, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Aktsııa bastalǵan eki kúnniń ishinde elde zańsyz júrgen 11 shetel azamaty ákimshilik jaýapqa tartyldy. Sonymen qatar sheteldikterdiń kelgeni týraly ýaqtyly habarlamaǵany úshin 33 jumys berýshi de zań aldynda jaýap beredi.

«Qostanaı oblysynda 28 shetel azamatynyń quqyqtyq mártebesi retteldi. Qostanaı qalasy polıtsııa basqarmasynyń Kóshi-qon qyzmetiniń qyzmetkerleri «Damý» qoǵamdyq qorymen birlese otyryp, elshilik arqyly jeke basty kýálandyratyn qujattardy qalpyna keltirýge kómektesti. Máselen, 1990 jyly týǵan Ózbekstan Respýblıkasynyń azamaty jáne 1985 jyly týǵan Tájikstan Respýblıkasynyń azamaty der kezinde qoldaýǵa ıe boldy. Sondaı-aq, «Mıgrant» jedel aldyn alý sharasy aıasynda Jitiqara jáne Naýyrzym aýdandarynyń krımınaldyq polıtsııa qyzmetkerleri izdeýde júrgen eki qylmyskerdi ustady», dep habarlady polıtsııanyń baspasóz qyzmeti.