Qostanaı oblysynda zańsyz berilgen 6 jer ýchaskesi qaıtaryldy – Antıkor
15:25, 08 Qarasha 2022
QOSTANAI. QazAqparat – Qostanaı men Rýdnyı qalalarynda «Tobyl» áleýmettik-kásipkerlik korporatsııasyna zańsyz berilgen 6 jer ýchaskesi qaıtaryldy. Bul týraly Sybaılas jemqorlyqqa qarsy is-qımyl agenttiginiń óńirlik departamentinen málim etti, dep habarlaıdy QazAqparat tilshisi.
«Júrgizilgen taldaý qorytyndysy boıynsha «Tobyl» áleýmettik-kásipkerlik korporatsııasynda Qostanaı jáne Rýdnyı qalalarynda ondaǵan jer ýchaskesin zańsyz berý táýekelderi anyqtaldy. Bul máseleni sheshýge baqylaýshy organdar tartyldy. Nátıjesinde Rýdnyı qalasynda áleýmettik-kásipkerlik korporatsııasyna zańsyz berilgen 6 ýchaskeniń qaıtarylýyna qol jetkizildi. Qazirgi tańda Qostanaı qalasynda 18 ýchaske boıynsha tekserýler júrgizilýde», - delingen departamenttiń baspasóz habarlamasynda.
Budan basqa, departament memlekettik satyp alý kezinde naryqtaǵy taýar qunynan joǵary baǵa belgilegen organdarǵa eskertý jasaǵan. Tıisinshe, olar tapsyrystar men qyzmetter baǵasyn qaıtap qarap, bıýdjet qarajatynyń 201 mln teńgesin únemdegen.