Qostanaı oblysynda úıinde esirtkige uqsas untaq saqtaǵan kúdikti ustaldy

NUR-SULTAN. QazAqparat – Qostanaı oblysynyń Sarykól aýdanynda úıinde esirtkige uqsas untaq saqtaǵan kúdikti ustaldy. Bul týraly QR Іshki ister mınıstrliginiń ókili Shuǵyla Turlybek vedomstvonyń onlaın brıfıngisinde aıtty, dep habarlaıdy QazAqparat tilshisi.

«Qostanaı oblysy qyzmetkerlerine Sarykól kentinde turatyn 44 jastaǵy er adamnyń Sarykól aýdanynyń aýmaǵynda «sol skorost» dep atalatyn esirtki saqtap, satatyny týraly málimet kelip túsken bolatyn.

Kúdiktiniń turǵylyqty mekenjaıynda júrgizilgen tintý barysynda 3 dorba aq tústi untaq, jumsaq sorǵy, suıyqtyq jaqqysh quraldar, untaq oralǵan 39 qaǵaz túıinshek, aqtústi zat salynǵan 75 dorbasha, zip-paketter, 7 ár túrli tústegi ızolenta, 5 bank kartasy, 4 uıaly telefon men 1,5 mln teńge aqsha tárkilendi», - dedi vedomstvo ókili.

Qazirgi tańda kúdikti ýaqytsha ustaý ızolıatorynda.

Atalǵan brıfıngide bir aptanyń ishinde respýblıka boıynsha 3184 qylmys tirkelgeni málim etildi.