Qostanaı oblysynda úsh kún buryn joǵalǵan oqýshy qyz tabyldy
00:29, 13 Qyrkúıek 2020
QOSTANAI. QazAqparat – Qostanaı oblysynda úsh kún buryn joǵalyp ketken 14 jastaǵy jasóspirim qyz tabyldy, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
Polıtseıler qyzdy ózi turatyn Valerıanovka aýylynyń mańyndaǵy bos úıden tapty. Atap ótilgendeı, onyń jaǵdaıy jaqsy, ata-anasyna tapsyryldy.
Polıtsııa basqa málimetterdi habarlaǵan joq.
Eske salaıyq, 14 jastaǵy Anna Karpenko 9 qyrkúıekte úıinen shyǵyp ketip, sodan oralmaǵan.
Polıtsııa qyzmetkerlerimen birge jasóspirimdi izdeýge eriktiler men jergilikti turǵyndar jumyldyryldy.