Qostanaı oblysynda turǵyn úı órtenip, eki adam qaza boldy
«18 qańtar kúni saǵat 07:34-te «101» pýltine B.Maılın aýdanynyń Tobyl kentindegi órt týraly qońyraý kelip tústi. Qazaq kóshesinde ornalasqan turǵyn úıdegi órtten keıin kúıip ketken eki adamnyń máıiti tabyldy. Úıde 1962 jyly týǵan múgedek er adam jáne 1983 jyly týǵan áıel bolǵan. Olardyń polıtsııa organdarynda profılaktıkalyq esepte turǵany jáne alkogoldi asyra paıdalanǵany anyqtaldy», delingen vedomstvo habarlamasynda.
Olar úıdi jatyn bólmedegi elektr plıtasynyń kómegimen jylytqan. Aldymen úı ishindegi jıhaz ben turmystyq zattar órtengen. Órttiń jalpy aýmaǵy 8 sharshy metrdi qurady.
Órt tolyǵymen 08:26-da sóndirildi. Órtti sóndirýge Tobyl kentiniń № 17 órt sóndirý beketi men Áıet aýylynyń jeke quramynan 2 arnaıy tehnıka men 9 adam jumyldyryldy.
Qaıǵyly jaǵdaımen aıaqtalǵan órttiń shyǵý sebebi elektr plıtasyndaǵy elektr symdarynyń qysqa tuıyqtalýy. Sot-medıtsınalyq saraptama taǵaıyndaldy. Oqıǵa ornynda órt sóndirý zerthanasynyń mamandary jumys isteýde.
Qostanaı oblysynyń TJD elektr pegterin qoldaný kezinde órt qaýipsizdigi erejelerin qatań saqtaýǵa shaqyrady.