Qostanaı oblysynda týberkýlezden kóz jumǵandar sany artty

QOSTANAI. QazAqparat – Jyl basynan beri Qostanaı oblysynda týberkýlezden bolatyn ólim-jitim ósken, dep habarlaıdy QazAqparat tilshisi.

«Oblysta týberkýlezben syrqattaný kórsetkishi 100 myń turǵynǵa shaqqanda 23,6-dan 21-ge deıin tómendedi. Al, týberkýlezden bolatyn ólim-jitim kórsetkishi (100 myń turǵynǵa shaqqanda) 0,9-dan 1,4-ke deıin ósti. 15-49 jas tobyndaǵy AITV-nyń (adamnyń ımmýn tapshylyǵy vırýsy) taralý kórsetkishi - 0,56. Byltyr osy kezeńde bul kórsetkish 0,5 bolǵan. Qaterli isikpen aýyrý kórsetkishi (100 myń turǵynǵa shaqqanda) 149,4-ten 168,5-ke deıin ósti», - delingen oblys ákimdiginiń saıtynda jarııalanǵan jartyjyldyq esepte.

Qujatta kórsetilgendeı, óńirde onkologııalyq aýrýlardan bolatyn ólim-jitim tómendegen.

Atap aıtqanda, kórsetkish 100 myń turǵynǵa shaqqanda 38,5-ten 38-ge deıin qysqarǵan.