Qostanaı oblysynda sport alańdary men salondardyń jumys isteýine ruqsat berildi

QOSTANAI.QazAqparat – Qostanaı oblysynyń memlekettik sanıtarlyq bas dárigeri E. Dáýletbaev karantın sharalaryn kezeń-kezeńimen jeńildetý týraly qaýly qabyldady, dep habarlaıdy QazAqparat oblys ákimdiginiń jedel shtabyna silteme jasap.

Jańa qaýlyǵa sáıkes, búgin saǵat 00:00-den bastap qoǵamdyq kólikterdiń qozǵalysyna ruqsat berildi. Bul rette avtobýstar sońǵy aıaldamada dezınfektsııalaý quraldarymen mindetti túrde óńdelýi kerek, sondaı-aq, jolaýshylardy qoǵamdyq kólikke maskasyz kirgizilmeıdi.

Karantın sharalary jeńildetilgenimen, oıyn-saýyq mekemeleriniń (karaoke, bılıard, qorqor, kompıýter klýby, túngi klýb, boýlıng ortalyǵy, jabyq úı-jaılardaǵy balalardyń oıyn alańdary men attraktsıondar, batýt jáne basqalarf), banket zaldarynyń, býkmeker keńseleriniń qyzmeti ýaqytsha toqtatylady. Al fýdkorttar tek «alyp ketý jáne jetkizý» qaǵıdatymen jumys isteıdi.

Sanıtarııa dárigeriniń buǵan deıingi qaýlysyna mynadaı ózgerister endi:

1) kınoteatrlardyń, teatrlardyń (otyrǵyzý oryndary sanynyń 20%-nan aspaıtyn) jumys isteýine ruqsat berý, bul rette kórermenderdi oryndarǵa «shahmat» tártibimen ornalastyrý; kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaý, aktsııalardy ótkizbeý;

2) mádenıet obektilerine kelýshiler 30-dan aspaıdy jeke jáne toptyq daıyndyqtar ótkizýge ruqsat etilsin;

3) qoǵamdyq tamaqtandyrý obektileriniń, onyń ishinde qala syrtyndaǵy jol boıyndaǵy servıstiń qoǵamdyq tamaqtandyrý obektileriniń qyzmetine ruqsat berý (toltyrylýy 50% - dan aspaıdy jáne bir mezgilde 30-dan aspaıtyn kelýshiler bolǵan jaǵdaıda), 1 ústelde 4 adamnan artyq otyrmaıdy, ústelder arasyndaǵy qashyqtyq keminde 2 metr, saǵat 07:00-den 24:00-ge deıin jumys rejımi belgilenedi;

4) kúsheıtilgen sanıtarııalyq-dezınfektsııalyq rejımdi saqtaı otyryp, azyq-túlik emes dúkenderdegi saýda, oıyn-saýyq ortalyqtarynyń qyzmetine ruqsat berý.

5) aýdany 2000 sharshy metrden astam azyq-túlik emes saýda obektileriniń, onyń ishinde azyq – túlik dúkenderin, dárihanalardy, olardaǵy kınoteatrlardy qospaǵanda, saýda-oıyn-saýyq ortalyqtarynyń jumysy jeksenbi kúni toqtatyla tursyn;

6) kosmetıkalyq jáne kosmetologııalyq qyzmetter kórsetetin shashtarazdar, sulýlyq salondary, ortalyqtar men salondar, manıkıýr jáne pedıkıýr qyzmetteri, massaj salondary, solıarııler qyzmetine aldyn ala jazylý boıynsha ruqsat berý;

7) jumys kestesin saǵat 07:00-den 22:00-ge deıin belgileı otyryp, jabyq sport obektileriniń (sport kesheni, sport mektebi, sport klýby, jattyǵý zaly, fıtnes ortalyǵy, sport - saýyqtyrý ortalyǵy jáne basqalar) jumysyna ruqsat berý.