Qostanaı oblysynda sheteldikter naýbaıhanada zańsyz jumys istegen

QOSTANAI. QazAqparat – Qostanaı oblysynda eki sheteldik naýbaıhanada zańsyz jumys istegen, dep habarlaıdy QazAqparat tilshisi.

«Qostanaı oblystyq kóshi-qon qyzmetiniń qyzmetkerleri reıdtik is-shara júrgizý barysynda nan-bólke ónimin shyǵaratyn nysanda zańsyz jumys istep júrgen Ózbekstan Respýblıkasynyń eki azamatyn anyqtady. Sheteldikter kóshi-qon zańnamasyn buzǵany úshin QR Ákimshilik quqyq buzýshylyq kodeksiniń 517-baby 5-tarmaǵy boıynsha ákimshilik jaýapqa tartyldy. Materıaldar sotqa joldandy. Bul bap boıynsha olar QR aýmaǵynan shyǵarylýy nemese aıyppul tóleýi múmkin», - dep habarlady Qostanaı oblystyq polıtsııa departamentinen.

Sheteldik jumys kúshin tartqan naýbaıhana ıesi de jazalanýy múmkin.

Aıta ketsek, jyl basynan beri QR aýmaǵynda bolý erejesin buzǵan 100-den astam sheteldik jaýapqa tartylǵan.