Qostanaı oblysynda sheteldik nómirli kólikterdiń qatysýymen 872 jol apaty bolǵan

QOSTANAI. QazAqparat - Qostanaı oblysynda reseılik tirkeýdegi kólikterdiń qatysýymen kóptegen jol-kólik oqıǵalary oryn aldy. Tek bir kúnniń ishinde birneshe apat oryn alady. Qostanaı oblysynyń polıtsııa departamentinde jol-kólik oqıǵalarynyń statıstıkasy aıtyldy, dep habarlaıdy QazAqparat.

«Jyl basynan beri oblys aýmaǵynda shet memleketterde tirkelgen kólik quraldaryn basqarǵan júrgizýshilerdiń kinásinen 872 jol apaty tirkeldi. Onyń ishinde 812 jol-kólik oqıǵasy materıaldyq shyǵynǵa ushyratsa, 60- ynda adamdar zardap shekken. Onyń ishinde 14 adam (bul jol-kólik oqıǵalarynda qaza bolǵandardyń jalpy sanynyń 20%-y – 71) qaza taýyp, 66 adam jaraqat aldy», - dep habarlady vedomstvonyń baspasóz qyzmeti. Máselen, nebári bir kúnde reseılik eseptegi kólikterdiń qatysýymen 6 jol-kólik oqıǵasy tirkeldi. «Atap aıtqanda, 8 qarasha kúni saǵat 16:00-de Qostanaı qalasynyń Dónenbaev kóshesiniń boıynda Reseı Federatsııasynyń memlekettik nómirleri bar GAZ 33023 avtokóliginiń 38 jastaǵy júrgizýshisi jol qozǵalysyna nazar aýdarmaı, «Lada» avtokóligimen soqtyǵysty» - degen mysal keltirdi polıtsııadan. – Sol kúni «102» pýltine Reseı Federatsııasynyń memlekettik tirkeý nómiri bar «VAZ» avtokóliginiń júrgizýshisi jol-kólik oqıǵasyn jasap, oqıǵa ornynan izin sýytqany týraly habarlama tústi. Kólik izdestirilýde.