Qostanaı oblysynda segiz adam brýtsellez aýrýyn juqtyrdy
«Brýtsellezben aýyratyndar jyl saıyn tirkeledi. Bıylǵy jyldyń ótken 8 aıynda oblysta 8 adam aýyrǵan. Bul ótken jyldyń sáıkes kezeńimen salystyrǵanda 7 adamǵa kóp. Kóp jaǵdaıda adamdar muny brýtsellezben aýyratyn maldy maldan jáne onyń ónimderin tutyný nátıjesinde juqtyrady», - dedi Qostanaı oblysynyń sanıtarlyq-epıdemıologııalyq baqylaý departamenti óziniń Instagram paraqshasynda.
Vedomstvodaǵylar, ásirese, jappaı tóldeıtin kezde aýrý maldar adamdar úshin qaýipti ekenin aıtady.
«Sonymen qatar, maldy soıǵanda, etin keskende, aýrý maldyń sút jáne et ónimderin tutyný kezinde ınfektsııa paıda bolady. Adamdarda aýrýdyń alǵashqy belgileri ınfektsııadan keıin 15-30 kúnnen keıin baıqalady: bas aýrýy, dene qyzýynyń 39 gradýsqa deıin kóterilýi, terleý, býyndardyń aýrýy. Mıkrob adam aǵzasyna shyryshty qabattar men teri arqyly enedi. Sondyqtan qaýipsizdik sharalaryn barynsha saqtaý qajet», - dep túıindedi bólimshe.