Qostanaı oblysynda Reseıge esirtki alyp ótpek bolǵandar ustaldy

QOSTANAI. QazAqparat – Qostanaılyq polıtsııa qyzmetkerleri shekaradan esirtki zatyn ótkizbek bolǵan úsh júk kóliginiń júrgizýshisin ustady, dep habarlaıdy QazAqparat.

Oblystyq polıtsııa departamentiniń baspasóz qyzmeti taratqan aqparatqa súıensek, oqıǵa búgin Qarabalyq aýdanynda bolǵan. Polıtseıler shekara qyzmetiniń áskerılerimen birge «Qaıraq» keden beketinde tekserý sharalaryn ótkizgen Tekserý barysynda gashısh pen marıhýana esirtki zatyn jasyrǵan úsh júk kóliginiń júrgizýshisi ustaldy.

«Tótenshe jaǵdaı rejimi kezeńinde aımaqta esirtkige qatysty jalpy sany 43 qylmys anyqtalyp otyr. Jalpy oblysta jarııalanǵan tótenshe jaǵdaıǵa qaramastan esirtki paıdalanýshylar sany azaımaı tur. Shekteý engizilgeli 25 adam esirtki paıdalanǵany úshin ustaldy. Sondaı-aq, esirtki quraldaryn saqtaý boıynsha 2, esirtki satý boıynsha 13, al esirtki kontrabandasy boıynsha 3 qylmys tirkeldi», - delingen polıtsııa departamentiniń baspasóz habarlamasynda.

Jalpy 2020 jylǵy qańtardan beri oblys polıtseıleri 4 keliden astam esirtki zatyn tárkilegen.