Qostanaı oblysynda pıtbýl 3 jasar qyzdyń betin talap tastady

ASTANA. QazAqparat - Qostanaı oblysynda ıt talaǵan balanyń erni men beti jyrtylǵan, dep habarlaıdy QazAqparat Alau.kz resýrsyna silteme jasap.

Qostanaı oblystyq balalar aýrýhanasy hırýrgııa bóliminiń meńgerýshisi Igor Belobrjıtskııdiń aıtýynsha, bala aýyr halde túsken.

Oqıǵa 6 mamyr kúni Tobyl qalasynda bolǵan. Pıtbýl 3 jasar qyzdyń betin talap tastady.

«Qyz aýyr halde jetkizildi. Qatty shoshynǵan. Erni, beti jyrtylǵan. Shuǵyl operatsııa jasaldy. Erni men beti tigildi. Bala birneshe kún jansaqtaý bóliminde jatty. Qazirgi jaǵdaıy birqalypty. Bala belsendi, júgirip júr, tamaqtanady. Tigisterdi qadaǵap otyrmyz. Qabyný joq. Ádette ıt talaǵannan keıin mundaı jaralar irińdeıdi, ásirese bet, bul óte qaýipti. Infektsııa mıǵa túsedi. Bul joly qyzda bári jaqsy. Temperatýra joq. Birneshe kúnnen keıin tigisterdi alamyz. Aýrýhanadan shyǵatyn da bolar», - dedi I.Belobrjıtskıı.