Qostanaı oblysynda órtten bir otbasynyń 4 múshesi qaza tapty
12:11, 21 Maýsym 2022
QOSTANAI OBLYSY. QazAqparat – Qostanaı oblysynyń Jitiqara qalasynda órtten áıel eki eresek balasy jáne nemeresimen mert boldy, dep habarlaıdy QazAqparat tilshisi.
20 maýsymda saǵat 01:54-te Jitiqaradaǵy №12 órt sóndirý bólimine Komsomolskaıa kóshesiniń boıynda turǵyn úıden órt shyqqany týraly habar túsken.
Kýágerler 102 qyzmetine qońyraý shalyp, turǵyn úıdiń órtenip jatqanyn habarlaǵan.
«50 sharshy metr aýmaqta aǵash dáliz, kireberis pen úı tóbesiniń jabyndysy tolyqtaı janǵan. Órt 02:26-da aýyzdyqtalyp, 02:54-te sóndirildi. Órt sóndirý kezinde oqıǵa ornynan 63 jastaǵy úı ıesi áıeldiń 39 jáne 36 jastaǵy uly men qyzynyń jáne 2 jasar nemeresiniń máıiti tabyldy. Órttiń neden shyqqany anyqtalyp jatyr», - dedi TJD-dan.
Oqıǵa ornynda tergeýshiler men oblystyq TJD mamandary jumys istep jatyr.