Qostanaı oblysynda órtengen úıdiń ornynan adam denesi tabyldy

NUR-SULTAN. QazAqparat – Qostanaı oblysyndaǵy orman órtimen kúres kezinde qutqarýshylar adamnyń denesin tapty. Bul týraly Tótenshe jaǵdaılar mınıstrligi órtke qarsy qyzmet komıteti tóraǵasynyń orynbasary Dmıtrıı Tıtov málim etti, dep habarlaıdy QazAqparat tilshisi.

«Qazir Qostanaıdaǵy órttiń aýmaǵy 42 myń gektar bolyp otyr. Tilsiz jaýdyń saldarynan 91 turǵyn úı órtenip ketti. 2 myńnan astam adam evakýatsııalandy. Búginde olar óz úılerine oraldy. Sondaı-aq, órtengen úıdiń ornynan bir adamnyń denesi tabyldy», - dedi Dmıtrıı Tıtov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, atalǵan óńirdegi órtpen kúreske 2 myńnan astam maman jumyldyryldy.

«Olardyń qatarynda bizdiń mamandardan bólek, Qorǵanys mınıstrligi, Іshki ister mınıstrligi, jergilikti atqarýshy organdardyń ókilderi bar. Búgin saǵat 15:00-degi jaǵdaı boıynsha Qostanaı oblysyndaǵy órt aýyzdyqtaldy», - dedi Dmıtrıı Tıtov.

Buǵan deıin Qostanaı oblysy Amanqaraǵaıda úıindiler astynan joǵalǵan er adamnyń izdestirilip jatqany týraly habarlaǵan edik.

Aıta keteıik, Tótenshe jaǵdaılar mınıstri ıÝrıı Ilın Qostanaı oblysynda tabıǵı órt aýyzdyqtalǵany týraly málimdegen edi .

Foto: pressslýjba MChS RK