Qostanaı oblysynda órt sóndirip jatqan sala mamandaryna 2 aılyq kóleminde syıaqy beriledi

NUR-SULTAN. QazAqparat – Qostanaı oblysyndaǵy órtti sóndirip jatqan sala mamandaryna 2 aılyq eńbekaqy kóleminde syıaqy beriledi. Prezıdent Qasym-Jomart Toqaev Úkimetke osyndaı tapsyrma berdi, dep habarlaıdy QazAqparat tilshisi.

«Men jalynmen kúresip jatqandardyń bárine óz atymnan jeke alǵys joldaǵym keledi. Olar erlik tanytyp, shuǵyl qımyldap, kásipterine adal ekenin kórsetti. Olar eń joǵary baǵaǵa laıyq dep oılaımyn jáne tıisti marapat alady. Onyń ishinde qarjylyq turǵydan da. Úkimet órt sóndirýge tikeleı qatysqandardy eki aılyq eńbekaqy kóleminde marapattaý týraly tıisti qaýly ázirleýi kerek», - dedi Prezıdent Qostanaı oblysynda bolǵan órtti sóndirý jónindegi shuǵyl áreket etý shtabynyń otyrysynda.

Buǵan deıin Memleket basshysynyń Tótenshe jaǵdaılar mınıstrligin qyzmetkerlerin turǵyn úımen qamtamasyz etýge qabiletti ınstıtýt retinde kúsheıtý týraly tapsyrma bergenin jazǵan edik.