Qostanaı oblysynda ormandy alqaptyń tórt jerinde órt sóndirilip jatyr

QOSTANAI. QazAqparat – QR Tótenshe jaǵdaılar mınıstrligi jedel shtabynyń málimetteri boıynsha, qazirgi tańda órt sóndirý jumystary qatarynan birneshe jerde júrip jatyr. Órt sóndirýshilerge endi Baǵanaly aýyly mańyndaǵy ormandy alqapta da jumys júrgizýge týra kelip tur, dep habarlaıdy QazAqparat.

«Saǵat 20:00-degi jaǵdaı boıynsha ormandy alqaptyń 4 bóliginde órt sóndrilip jatyr. Olar: Amanqaraǵaı, Lesnoe, Ozernoe jáne Baǵanaly aýyldary. Órt sóndirý jumystaryna 196 tehnıka, 7 ushaq, 5 órt sóndirýshi poıyz, sondaı-aq jeke quramnan 1526 adam jumyldyrylǵan. Órt bastalǵaly 93 úsh ret sý shashyldy»,-dep habarlaıdy QR Tótenshe jaǵdaılar mınıstrliginiń baspasóz qyzmeti.

Sonymen qatar qazir taǵy QR Qorǵanys mınıstrliginiń 3 áýe kemesi kómekke saqadaı saı otyr.

Aıta keteıik, Qostanaı oblysynda orman órtine baılanysty tótenshe jaǵdaı jarııalandy.

Janna Musabaeva