Qostanaı oblysynda orman órtinen taǵy bir aýyldyń turǵyndary evakýatsııalandy
«Resmı málimet boıynsha, Basaman aýylynyń aınalasyndaǵy orman órtenip jatyr. Turǵyndar Qazanbasy aýylynyń mektepterine kóshirildi. Oqıǵa ornynda Ulttyq ulannyń sarbazdary, eriktiler men edi mekenniń turǵyndary jumys istep jatyr. Aýyl mańyndaǵy órtti sóndirý úshin 50 tehnıka jumyldyryldy», - delingen Aqparattyq shtabtyń habarlamasynda.
Sonymen qatar búgin Qostanaı oblysy Áýlıkól aýdanyndaǵy órttiń órshýine baılanysty Baǵanaly aýylynyń turǵyndary da qaýipsiz jerlerge kóshirildi.
Eske salaıyq, Qostanaı oblysynyń Áýlıekól aýdanynda orman órti 2 qyrkúıek kúni bastaldy. Birneshe aýyldan 1841 adam evakýatsııalandy. Tilsiz jaý 86 jastaǵy turǵynnyń ómirin jalmady. 10 adam jaraqat aldy, onyń tórteýi qazir aýrýhanada jatyr.
Qostanaı oblysynda Ahmet Baıtursynulynyń 150 jyldyq mereıtoıyna oraılastyrylǵan saltanatty sharalar keıinge shegerildi. Іs-sharalarǵa Prezıdent Qasym-Jomart Toqaev baratyny josparlanǵan edi. Memleket basshysynyń baspasóz hatshysy Rýslan Jeldibaı Facebook-tegi paraqshasynda QR Prezıdenti orman órtine qaramastan Qostanaı oblysyna jumys saparymen baratynyn aıtty.
Búgin Q.Toqaev óńirge bardy. Órt bolǵan eldi meken turǵyndarymen kezdesken Prezıdent zardap shegýshilerge Úkimet eki aıda burynǵydan da jaqsy úıler salyp beretinin aıtty. Órtti aýyzdyqtaýǵa júzdegen tehnıka, myńdaǵan adammen birge 7 birdeı tikushaq tartyldy.
QR Tótenshe jaǵdaılar mınıstri ıÝrıı Ilın Qostanaı oblysyndaǵy ó rt adam qolynan boldy degen nusqany joqqa shyǵarmaıtynyn málim etti.
Zardap shekken qostanaılyqtarǵa kómek berý úshin biryńǵaı qoǵamdyq qor quryldy.
Óńirdegi jaǵdaı turaqtalǵansha, 3 myńnan astam oqýshy qashyqtan bilim alatyn boldy.
Áýlıekól aýdanyndaǵy órt saldarynan Amanqaraǵaı aýylynda 98 úı órtenip ketti.
Óńirde tótenshe jaǵdaı rejımi jarııalandy.
Úıleri órtenip ketken qostanaılyqtardyń banktegi nesıeleri jabylady.