Qostanaı oblysynda obaǵa qarsy kostıýmderdi shetelge alyp ótpek bolǵandar ustaldy

QOSTANAI.QazAqparat – Qostanaı oblysynyń Reseımen shekarasynda medıtsınalyq quraldardy, dári-dármekterdi zańsyz alyp ótý áreketteriniń joly kesildi, dep habarlaıdy QazAqparat QR UQK baspasóz qyzmetine silteme jasap.

«2020 jylǵy 24 qarashada Qostanaı oblysynda «Qaıraq» avtomobıl ótkizý pýnktinde Reseı Federatsııasynyń «AVTO-TEK» jeke sharýa qojalyǵyna tıesili avtokóligi ustaldy, onda 600 dana obaǵa qarsy kostıýmder bolǵan. Jalpy somasy 7750 000 teńge bolatyn medıtsınalyq kıimder poshta júkteriniń astynda jasyrylǵan», delingen vedomstvo taratqan habarlamada.

​29 qarasha kúni Qostanaı oblysynyń «Aıat» ótkizý pýnktinde «Almaty-Chelıabi» baǵyty boıynsha júrgen «GAZel» avtokóligi tekserildi. Tekserý barysynda túrli dári-dármekter toltyrylǵan qoraptar, 2640 dana qorǵanysh maskalary jáne jalpy salmaǵy 1000 kg-ǵa jýyq 1700 dana medıtsınalyq qolǵaptar tabyldy. Medıtsınalyq qural-jabdyqtar jáshikterdiń arasyna jasyrylǵan.

Tárkilengen zattardyń quny shamamen 45 000 000 teńgeni quraıdy. Zańsyz shetel aspaq bolǵan júkter ýákiletti organdarǵa tapsyryldy.