Qostanaı oblysynda mınıven eki júk kóligimen soqtyǵysyp, 2 adam qaza tapty

QOSTANAI. QazAqparat – Qostanaı – Áýlıekól – Sýrǵan avtojolynda jeńil kólik eki júk mashınasymen soqtyǵysty, dep habarlaıdy QazAqparat Rolisia.kz-ke silteme jasap.

Oqıǵa 6 maýsym kúni saǵat 11:00 shamasynda bolǵan.

Aldyn ala málimetke sáıkes, Toyota Alphard avtokóliginde júrgizýshiden bólek, 4 jolaýshy bolǵan, onyń úsheýi júrgizýshiniń kámeletke tolmaǵan balalary. Kólik ıesi rýlge ıe bola almaı qalyp, joldyń qarsy jolaǵyna shyǵyp ketken. Onda Kókshetaý qalasynyń turǵyny basqaryp kele jatqan Renault júk kóligimen soqtyǵysqan. Odan ári mınıven Atbasar qalasynyń turǵyny tizgindegen DAF júk kóligimen betpe-bet soǵylǵan.

«Apat saldarynan Toyota avtokóliginiń 46 jastaǵy júrgizýshisi jáne onyń 2013 jyly týǵan uly qaza boldy. Mınıvenniń taǵy úsh jolaýshysy aýrýhanaǵa jatqyzyldy.

QR Qylmystyq kodeksiniń 345-baby 4-bóligi boıynsha sotqa deıingi tergeý júrgizilip jatyr. Saraptama taǵaıyndaldy», - delingen polıtsııa málimetinde.