Qostanaı oblysynda malǵa jem-shópti arzandatý úshin 1,9 mlrd teńge bólindi

NUR-SULTAN. QazAqparat – Aýyl sharýashylyǵy oblys ekonomıkasynyń ekinshi bazalyq baǵyty bolyp otyr. Bul týraly Qostanaı oblysynyń ákimi Arhımed Muhambetov aıtty, dep habarlaıdy QazAqparat tilshisi.

«Aýyl sharýashylyǵy oblys ekonomıkasynyń ekinshi bazalyq baǵyty bolyp otyr. 10 aıdyń qorytyndysy boıynsha jalpy shyǵarylym 553,3 mlrd teńgeni qurady, naqty kólem ındeksi – 86%. 2021 jyly astyqtyń jalpy túsimi 2,9 mln tonnany qurady, ortasha ónimdiligi gektarynan 7,2 tsentner», - dedi A. Muhambetov Ortalyq kommýnıkatsııalar qyzmetinde.

Onyń aıtýynsha, qolaısyz aýa raıy faktorlarynyń saldaryn azaıtý úshin jergilikti bıýdjetten aýyl sharýashylyǵy janýarlarynyń analyq mal basy (sıyr, usaq mal, jylqy) úshin azyq qunyn arzandatýǵa shamamen 1,9 mlrd teńge bólindi.

«Et óndirisiniń 4,2% jáne sút óndirisiniń 2,1% ósýi tirkeldi», - dedi oblys ákimi.