Qostanaı oblysynda KVI synamasyn óńdeıtin mobıldi zerthana ashyldy

QOSTANAI. QazAqparat – Qostanaı oblysynyń shalǵaı aýyldarynda PTR synamasyn tez ári tıimdi júrgizý maqsatynda mobıldi zerthanalyq keshen iske qosyldy, dep habarlaıdy QazAqparat.

Zamanaýı keshen Denısov, Jitiqara, Qamysty aýdandarynyń turǵyndaryna qyzmet kórsetedi. Basty maqsat – KVI alynǵan synamalardy tasymaldaý ýaqytyn qysqartý. «Ulttyq saraptama ortalyǵy» rmk fılıalynyń basshysy Baýyrjan Kópjasarovtyń aıtýynsha, zerthana koronavırýstyq ınfektsııamen syrqattaný jaǵdaılaryn anyqtaýdyń jedeldigin de arttyrady. Kóliktegi zerthananyń qýattylyǵy táýligine 300 zertteý júrgizýge múmkindik beredi.

«Mobıldi zerthanalyq keshenniń kómegimen oblys ortalyǵynan alys ornalasqan aýyldardy qamtımyz. Synaq nátıjesi de osy jerde belgili bolady. Bul dárigerlerdiń ǵana emes, turǵyndardyń da jumysyn jeńildetip, ýaqytyn jedeldetedi. Kólikte 2 boks ornatylǵan. Alǵashqysy – bólý aımaǵy, munda synama alynady. Odan keıin úlgiler tereze arqyly ekinshi boksqa jiberiledi. Onda 96 túrli laboratorııalyq zertteý júrgiziletin «bıorat» apparaty ornatylǵan, - deıdi B.Kópjasarov,

Laboratorııa qyzmetkerleri mundaı zerthanalyq apparattarmen buǵan deıin de jumys istep keldi. Mobıldi zerthanalyq keshendi basqarý maqsatynda mamandar Almatyda arnaıy oqytýdan ótken. Aldaǵy ýaqytta Jitiqara qalasynyń mamandary da arnaıy oqytýdan ótip kelmek. Olarǵa jergilikti ákimdik qoldaý kórsetip otyr.