Qostanaı oblysynda kóbik keshinde toq soqqan kishkentaı qyz qaıtys boldy

ASTANA. QazAqparat – Qostanaı oblysy Uzynkól kentinde kóbik keshinde toq soqqan 9 jasar qyz aýrýhanada qaıtys boldy, dep habarlaıdy QazAqparat tilshisi Qostanaı oblystyq densaýlyq saqtaý basqarmasynyń baspasóz qyzmetine silteme jasap.

«Qyzdyń qaıtys bolǵany ras. Ázirge tolyq aqparat bere almaımyz, aýrýhanada málimetter jınalyp jatyr», - dep bolǵan jaıdy basqarma mamany telefonmen rastady.

Eske salaıyq, Qostanaı oblysynda kóbik keshinde kishkentaı qyzdy toq soqqany týraly habarlaǵan edik.

«25 tamyz kúni Uzynkól kentinde Jastar kúnine oraı kóbik keshi ótti, onda 9 jasar qyzdy toq soqty. Іs-sharada kezekshilik etken dárigerler oǵan oqıǵa ornynda alǵashqy medıtsınalyq kómek kórsetti. Qyz aýdandyq aýrýhanaǵa jatqyzyldy», - dep habarlady Qostanaı oblysynyń polıtsııa departamentinen.

Keıin toq soqqan qyzdy Ulttyq shuǵyl medıtsınany úılestirý ortalyǵynyń mamandary emdeıtini belgili boldy.

Mekeme jetekshisi Danııar Jandaevtyń aıtýynsha, kishkentaı qyz Uzynkól aýdandyq aýrýhanasyna óte aýyr jaǵdaıda túsken.