Qostanaı oblysynda kelesi jylǵy dala jumysyna daıyndyq bastaldy
Oblys boıynsha dándi daqyldardy jınaý jumys aıaqtalýda. 4,35 mln gektary nemese 99,4 paıyzy bastyryldy. 2 mln 924 myń tonna astyq jınaldy. Astyq qabyldaý kásiporyndaryna kelip túsken 334 myń tonna bıdaıdyń 96 paıyzy 3-synypqa saı keledi, sapasy joǵary. Oblysta ónimdi saqtaýǵa arnalǵan syıymdylyq jetkilikti. 8,3 mln tonnaǵa arnalǵan qoıma bar. Tutyný normalaryna sáıkes, oblys halqyna nan ónimderin óndirý úshin unnyń jyldyq qajettiligi 22 myń tonnany quraıdy. Osy maqsatqa 31 500 tonna astyq óńdeý qajet. Oblys unmen tolyq qamtamasyz etilgen», - dedi óńir basshysy.
Onyń atap ótýinshe, qysqy mal azyǵyna 1 mln 73 myń tonna shóp nemese qajetti kólemniń 99 paıyzy daıyndaldy. Jumys jalǵasyp jatyr.
«Forvardtyq satyp alý boıynsha sharýashylyqtar Azyq-túlik koroporatsııasynan 9 mlrd 900 mln teńge qarajat aldy. Bul somaǵa 194 myń tonna aýyl sharýashylyǵy ónimin tapsyrýy tıis. Ýákiletti astyq qabyldaý kásiporyndaryna 38 myń tonna nemese 20 paıyzy jetkizildi. Jumys jalǵasýda. Qazirgi ýaqytta taýar óndirýshiler kelesi jyldyń dala jumysyna daıyndyq júrgizýde. Qajetti tuqym 530 myń tonna kóleminde tolyq daıyndaldy», - dedi Arhımed Muhambetov.