Qostanaı oblysynda qaskóıler baılaýly turǵan birneshe ıtti óltirip ketken

QOSTANAI. QazAqparat – Qostanaılyq polıtseıler Beıimbet Maılın aýdanynda 4 ıtti aıaýsyz óltirgen qaskóılerdi izdep jatyr, dep habarlaıdy QazAqparat.

Oqıǵa 4 qazan kúni B.Maılın aýdanynyń Novoılınov aýylynda bolǵan. Belgisiz bireýler baılaýly turǵan 4 ıtti óltirip ketken. Kelesi kúni olardyń ıeleri polıtsııaǵa aryzdanǵan.

«2020 jyldyń 5 qazany kúni Novoılınovka aýylynyń úsh turǵyny Beıimbet Maılın aýdandyq polıtsııa bólimine habarlasyp, baılaýly turǵan ıtterin óltirip ketkenderge shara qoldaný týraly aryz jazdy. Atalǵan fakt QR QK 316-baby «Janýarlarǵa qatygezdik kórsetý» boıynsha sotqa deıingi tergeýge alyndy. Aýdandyq polıtsııa bóliminiń qyzmetkerleri kináli tulǵalardy anyqtaý úshin keshendi sharalar júrgizýde»,- dedi polıtsııanyń baspasóz hatshysy Irına Bejenar.