Qostanaı oblysynda qarsaq pen túlki atqan brakoner ustaldy

QOSTANAI. QazAqparat – «Brakoner» jedel aldyn alý sharasy aıasynda qarsaq jáne túlkini zańsyz atyp alǵan 64 jastaǵy qostanaılyq ustaldy. Bul týraly Qostanaı oblystyq polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

«Brakoner» jedel aldyn alý sharasy sheńberinde tabıǵatty qorǵaý polıtsııasynyń qyzmetkerleri Naýyrzym aýdanynyń aýmaǵynda zańsyz ań aýlaý faktisin anyqtady. Reıd barysynda Býrevestnık aýylynda janýarlardy zańsyz atty degen kúdikpen 64 jastaǵy jergilikti turǵyn ustaldy. Polıtseıler odan borsyqtyń 12 terisin, túlkiniń 5 terisin jáne qarsaqtyń 1 terisin tárkiledi. Kúdiktiden ańshylyq myltyq pen oq-dáriler de tabyldy. Er adam osy kúzde aýdan aýmaǵynda jabaıy ańdardy aýlaǵanyn, ań aýlaýǵa qujattary joq ekenin jáne qarýdyń tirkelmegenin aıtty», - dep málimdedi jergilikti departamenttiń baspasóz qyzmetinen.

Polıtsııa aqparatyna sáıkes, atalǵan oqıǵa boıynsha sotqa deıingi tergeý bastalǵan.

Eske sala keteıik, osyǵan deıin Qostanaı oblysy aýmaǵyndaǵy sırek kezdesetin jáne quryp ketý qaýpi bar janýarlardy aýlaýdyń 1 faktisi tirkelgen. Sonymen qosa, 20 qazannan beri 88 ańshy men balyqshy ákimshilik jaýapqa tartylǵan.