Qostanaı oblysynda karaoke-bar kúzetshileri monıtorıng tobyna kúsh kórsetken

QOSTANAI.QazAqparat – Qostanaı oblysynda demalys ornynyń kúzetshileri monıtorıng tobynyń jumysyna kedergi keltirgen, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

29 qańtar kúni koronavırýs ınfektsııasynyń taralýyna jol bermeý jónindegi vedomstvoaralyq monıtorıng toby Qostanaı qalasynda reıd júrgizgen bolatyn. Jumys barysynda top quramyndaǵy ákimdiktik qyzmetkerleri men BAQ ókilderine jergilikti karaoke-bar kúzetshileri kúsh kórseken.

«Monıtorıng tobynyń jumysyna kedergi keltirip, kúsh qoldanǵandar týraly «102» nómirine habarlama tústi. Karaoke-bar kúzetshileri top quramynda jumys istegen úsh áıeldi kúshpen ıterip shyǵarǵan, al baspasóz ókiliniń uıaly telefonyn tartyp aldy. Oqıǵa ornyna polıtsııa jasaqtary keldi. Qazirgi ýaqytta barlyq is-áreketterge quqyqtyq baǵa beriledi. Atap aıtqanda, monıtorıng toby qyzmetkerlerine kúsh qoldanǵan eki kúzetshige qatysty QR Qylmystyq kodeksiniń 114-baby boıynsha sotqa deıingi tergeý bastaldy. Arnaıy saraptama taǵaıyndaldy», delingen vedomstvo habarlamasynda.