Qostanaı oblysynda karantın sharalary jeńildetildi

QOSTANAI. QazAqparat – Qostanaı oblysynyń ákimi Arhımed Muhambetov KVI taralýyna jol bermeý boıynsha jedel shtabtyń kezekti otyrysyn ótkizdi, dep habarlaıdy QazAqparat oblys ákiminiń baspasóz qyzmetine silteme jasap.

Shtab otyrysynda oblystyq polıtsııa departamentiniń bastyǵy, Lısakov qalasynyń jáne Qostanaı aýdanynyń ákimi qazirgi ahýal týraly aqparat berdi. Sondaı-aq óńir basshysyna monıtorıngtik toptardyń jumysy baıandaldy.

Jedel shtab ákimder men departament basshylarynyń usynystaryn qarap, karantın sharalaryn jeńildetý týraly sheshim qabyldady. Atap aıtqanda, tamaqtaný obektileri dúısenbi-senbi kúnderi saǵat 8-00 den 23-00-ge deıin jumys isteıdi. SPA ortalyqtarynyń, monshalardyń, saýnalardyń, jabyq sport ǵımarattarynyń jáne fıtnes-ortalyqtardyń jumysy jandanady. Atalmysh áleýmettik nysandardyń jumys rejımi saǵat 9-00-den 22-00-ge deıin belgilendi. Sonymen qatar tómendegideı jeńildetý sharadary engizildi:

1. Jabyq azyq-túlik jáne azyq-túlikke jatpaıtyn bazarlardyń jumysyna dúıesnbi-senbi kúnderi 10-00-den 19-00-ge deıin jumys isteýine ruqsat berý;

4. Aýmaǵy 2000 sharshy metrden asatyn saýda jáne oıyn-saýyq ortalyqtary, jeksenbini qospaǵanda, barlyq kúni 10-00-den 22-00-ge deıin jumys isteıdi;

5. Buqaralyq is-sharalar ótkizbeı, tolymdylyǵy 30%-dan aspaıtyn dinı obektilerdiń jumys isteýine ruqsat berý;

6. Jumys kúnderi jáne senbi kúnderi saǵat 06-00-den 23-00-ge deıin qalalyq qoǵamdyq kólikterdiń jumysyna ruqsat berý.

Oblys ákimi Arhımed Muhambetov oblys turǵyndaryn KVI taralýyna jol bermeý boıynsha barlyq sanıtarlyq-epıdemıologııalyq normalardy saqtaýdy surady. Eger turǵyndar saqtyq sharalaryna salǵyrt qarasa, qaıtadan qatań karantın engizilýi múmkin.