Qostanaı oblysynda qant taratýdyń qylmystyq shemasy ashyldy

NUR-SULTAN. QazAqparat - Qostanaı oblysy boıynsha Sybaılas jemqorlyqqa qarsy qyzmet departamenti óńirdegi baǵany turaqtandyrýǵa arnalǵan qantty bólýdiń qylmystyq shemasyn áshkereledi, dep habarlaıdy QR Sybaılas jemqorlyqqa qarsy is-qımyl agenttiginiń baspasóz qyzmeti.

Ákimdik pen «Tobyl ÁKK» AQ qyzmetkerleri qant tapshylyǵyn paıdalana otyryp, ony oblystyń turaqtandyrý qorynan 420 tg/kg jeńildik quny boıynsha kezekten tys jáne normadan tys kásipkerlerge bergen.

Bul úshin kásipkerler ákimdik pen ÁKK qyzmetkerlerine syıaqy retinde 100-den 500 kg-ǵa deıin qantty úlestirgen.

Budan ári, tańdalǵan kásipkerler paıda kórý maqsatynda halyqqa qantty 10%-dyń ornyna 100% ústeme baǵamen satqan.

Turaqtandyrý qorynyń qoıma meńgerýshisiniń jeke garajyn tekserý barysynda 900 kg qant tabylyp, tárkilendi. Alynǵan qant turaqtandyrý qoryna qaıtaryldy.

Ózge aqparat tergeý múddesinde jarııa etýge jatpaıdy.

Óńirlerde áleýmettik mańyzy bar problemalar boıynsha jumystar jalǵasýda.