Qostanaı oblysynda iz-túzsiz joǵalyp ketken úsh adamnyń denesi tabyldy

QOSTANAI. QazAqparat - Qostanaı oblysy Áýlıekól aýdanynyń iz-túzsiz joǵalyp ketken úsh turǵynynyń denesi tabyldy, dep habarlaıdy QazAqparat tilshisi óńirlik Pd baspasóz qyzmetine silteme jasap.

«Úsh adamnyń denesi tabyldy. Olardyń denesinen zorlyq-zombylyq izi baıqalmaıdy. Jasalǵan saraptama nátıjesi olardyń sýyqtan úsip qaıtys bolǵanyn kórsetip otyr» delingen Polıtsııa departamenti taratqan habarlamada.

Buǵan deıin aýdandyq polıtsııa bólimine Amanqaraǵaı aýylynyń 46 jastaǵy turǵyny júgingen. Ol 2020 jyldyń 20 qarashasynda úıden shyǵyp, sol kúıi habarsyz ketken kúıeýi — 49 jastaǵy Lýkovenko Sergeı Leontevıchke izdeý salǵan. Onyń denesin 2021 jylǵy 19 sáýir kúni jergilikti turǵyn taýyp alǵan.

Sondaı-aq, 19 aqpan kúni Dıevka aýylynyń 35 jastaǵy turǵyny Feoktıstov ıÝrıı Nıkolaevıch joǵalyp ketken. Ony da áıeli izdep, polıtsııaǵa habarlasqan. Marqumnyń denesin 19 sáýir kúni jergilikti kásiporynnyń jumysshysy taýyp aldy.

Sondaı-aq, 19 sáýir kúni polıtsııa qyzmetkerleri júrgizgen izdeý jumystarynyń nátıjesinde Qusmuryn aýylynyń mańynan Mıftahova Valentına Antonovnanyń denesi tabyldy. Ol bıyl 6 naýryzda úıinen shyǵyp ketip, qaıtyp oralmaǵan.

Avtor: Janna Mýsabaeva