Qostanaı oblysynda iz-túzsiz joǵalǵan oqýshy tabyldy
20:10, 26 Jeltoqsan 2020
QOSTANAI.QazAqparat – Qostanaı oblysynda iz-túzsiz joǵalyp ketken oqýshy tabyldy, dep habarlaıdy QazAqparat.
Oblystyq polıtsııa departamentiniń baspasóz qyzmeti taratqan aqparatqa sáıkes, Evelına Semenova 24 jeltoqsan kúni úıinen shyǵyp ketken. Ata-anasy qyzynan habar almaǵan soń, polıtsııaǵa júgindi.
«Jedel-izdestirý is-sharalary barysynda polıtseıler oqýshynyń turǵan jerin anyqtady. Ol óziniń tanysynyń úıinde bolǵan. Qalanyń ıývenaldy polıtsııasynyń qyzmetkerleri profılaktıkalyq áńgime júrgizdi, materıaldar qala ákimdiginiń komıssııasyna beriletin bolady. Oqýshy buǵan deıin úıinen ketpegen», delingen polıtsııanyń habarlamasynda.