Qostanaı oblysynda iri qaradan brýtsellez tabylǵan aýyl karantınge jabyldy

ASTANA. QazAqparat – Qostanaı oblysynyń Áýlıekól aýdanyna qarasty Dıev aýylynda iri qara maldan brýtsellez anyqtalyp, eldi meken aýmaǵynda shekteý sharalary engizildi, dep habarlaıdy QazAqparat tilshisi.

«Іri qara maldan brýtsellez aýrýynyń tabylýyna baılanysty Qostanaı oblysy Áýlıekól aýdany Dıev aýyldyq okrýginiń Dıev aýyly aýmaǵynda shekteý is-sharalary belgilensin. Áýlıekól aýdandyq sanıtarııalyq-epıdemıologııalyq baqylaý basqarmasyna anyqtalǵan epızootııa oshaǵyn joıý úshin qajetti veterınarııalyq-sanıtarııalyq is-sharalar júrgizý usynylsyn», - delingen Ashyq NQA poratynda jarııalanǵan aýdan ákimdiginiń sheshim qujatynda.

Qosa ketsek, jyl basynan beri Batys Qazaqstan oblysynda 5 030 bas iri qara men 788 bas usaq maldan brýtsellez anyqtaldy.

Sondaı-aq, Túrkistan oblysynyń Qazyǵurt aýdanyndaǵy eki aýylda usaq mal brýtsellezge shaldyǵyp, eldi mekenge shekteý engizilgen edi.