Qostanaı oblysynda iri qara maldan qaýipti aýrý tabylǵan joq
Jaqynda oblystyq veterınarııalyq qyzmet mamandary Qostanaı oblysynyń Amangeldi aýdanynda nodýlıarly dermatıt aýrýy boıynsha tekserý júrgizdi. Nátıjesinde, iri qara maldyń arasynan qaýipti aýrýǵa shaldyqqandar tirkelmedi.
«Іri qara maldyń arasynda nodýlıarly dermatıt aýrýyn boldyrmaý maqsatynda Qostanaı oblysynyń veterınarııalyq qyzmeti osy jyldyń 26-27 shilde aralyǵynda epızootologııalyq tekserý júrgizdi. Tekseris qorytyndysy boıynsha janýarlar arasynda asa qaýipti aýrýlar, sonyń ishinde iri qara maldyń nodýlıarly dermatıti anyqtalǵan joq. «Amangeldi araıy» aýdandyq gazetinde mal ustaý erejesi jáne osy aýrýdyń klınıkalyq belgileri jáne aldyn alý sharalary týraly maqala jarııalandy», - delingen mınıstrliktiń baspasóz habarlamasynda
Aıta keteıik, QR aýmaǵynda iri qara maldyń nodýlıarly dermatıt aýrýyna qarsy Kenııada óndirilgen NITLING vırýsynyń tıpine negizdelip jasalǵan «Lumpi Vax» vaktsınasy qoldanylady.