Qostanaı oblysynda ıpotekalyq zaem berý kólemi arta tústi
Ulttyq bank fılıalynyń bergen málimetine qaraǵanda, 2017 jylǵy 1 shildemen salystyrǵanda, ıpoteka zaemdarynyń sany 27% ósip, 35 mlrd teńgege jetken. Jańa nesıelerdiń berilýi 1,8 ese artqan.
«2004-2009 jyldary zaem alǵandardyń baspanasyn saqtaý jáne qoldaý kórsetýge baǵyttalǵan ıpoteka zaemdaryn qaıta qarjylandyrý baǵdarlamasyn jalǵastyryp jatyrmyz. Qostanaı oblysynda jalpy somasy 2,4 mlrd teńge bolatyn 624 ótinish maquldanyp, al 2,3 mlrd teńgeni quraıtyn 608 ótinishke qaıta qarjy bólindi», - dep málimdedi J. Qajyrahımov.
Onyń aıtýynsha, Memleket basshysynyń tapsyrmasyna oraı, jeke tulǵalarǵa 2015 jylǵy 18 tamyzyna deıingi 188,35 teńgelik baǵam boıynsha 2016 jyldyń 1 qańtaryna deıin berilgen valıýtalyq ıpoteka zaemdaryn teńgemen qaıta qarjylandyrýdy kózdeıtin baǵdarlamaǵa túzetýler engizilgen.
2018 jylǵy 1 shildede bankter respýblıka boıynsha somasy 5 mlrd teńge bolatyn 802 ótinish maquldanyp, sonyń 462-sin qaıta qarjylandyrý úshin 2,3 mlrd teńge bólingen. Qostanaı oblysynda 121 mln teńge bolatyn 37 ótinish maquldanyp, 68 mıllıon teńgeniń 21 ótinishi qaıta qarjylandyrylǵan.
Fılıal basshysynyń sózine qaraǵanda, óńirde ıpoteka naryǵynyń damý qarqyny arta túsken. Bul «7-20-25» baǵdarlamasynyń iske qosylýymen baılanysty.
«Baspana» AQ arnaıy ıpoteka kompanııasy ekinshi deńgeıli 7 bankpen kelisim jasasty. Bizdiń óńirde TsentrKredıt banki, ATFBank jáne Turǵyn úı qurylys jınaq banki jumysyn bastady. TsentrKredıt banki basqalarǵa qaraǵanda belsendilik tanytýda. 26 shildege deıin bankke jalpy somasy 145 mln bolatyn 22 ótinish kelip tústi, sonyń ishinde 73 mln teńgeniń 11 ótinishi maquldanyp, 74 mıllıon somada 9 zaem berildi», - dedi ol.