Qostanaı oblysynda «Halyq alǵysy» medaliniń ıegerleri anyqtaldy

QOSTANAI. QazAqparat – Qostanaı oblysynda koronavırýstyq ınfektsııamen kúreste erekshe kózge túsken 127 adam «Halyq alǵysy» medaline ıe boldy, dep habarlaıdy QazAqparat.

Halyq alǵysyna ıe bolǵandar oblys ákimdiginde ótken «BIZ BIRGEMIZ» onlaın-forýmy aıasynda marapattaldy. On adamǵa óńir basshysy Arhımed Muhambetov medal tapsyrdy. Qalǵan 117 adam kásibı merekeler men Astana kúni qarsańynda marapattalady. Jalpy «Halyq alǵysy» medaline oblystan 40 medıtsına qyzmetkeri, 25 polıtseı, 21 áleýmettik sala qyzmetkeri, 21 erikti, 8 úkimettik emes uıym ókilderi, 6 metsenat, 2 memlekettik qyzmetshi, 2 jýrnalıst jáne 1 mádenıet salasynyń ókili qol jetkizdi.

Onlaın-forým barysynda qatysýshylar prezıdenttiń beıneúndeýin tyńdady. Odan keıin elimizdegi pandemııamen kúres tarıhy týraly qysqasha beınebaıan kórsetilip, indetke qarsy kúreske belsendi atsalysyp júrgen túrli salanyń ókilderi sóz aldy.

«Halyq alǵysy» medalin alǵan alǵashqy ondyqtyń qatarynda polıtseıler men dárigerler, memlekettik qyzmetshiler men metsenattar, qoǵam belsendileri men eriktiler bar. Olar:

1. Májikenov Qurmet Kenjahanuly - Qostanaı oblysynyń KPSB bastyǵy;

2. Mıhaılenko Vladımır Alekseevıch - «Qostanaı oblystyq psıhıkalyq densaýlyq ortalyǵynyń» bas dárigeri;

3. Shteıgervald Irına Anatolevna - «Qostanaı oblystyq jedel medıtsınalyq járdem stantsııasynyń» bas dárigeri;

4. Semeıbaev Syrym Saıranbekuly - «Saryarqaavtoprom» JShS dırektory;

5. Qojanazarov Aıdarbek Asanuly - «Olja Agro» JShS Bas dırektory;

6. Morgýnov Maksım Valerevıch - «Qostanaı oblysy ákiminiń apparaty» MM áleýmettik-saıası bóliminiń basshysy;

7. Ospanov Dúısenǵalı Sultanuly, «Úmit-Nadejda» QB tóraǵasy;

8. Ótebaev Damır Erkinuly – erikti;

9. Myrzabekova Aıgúl Seıpulqyzy, Qostanaı oblysy ákimdigi jumyspen qamtýdy úılestirý jáne áleýmettik baǵdarlamalar basqarmasynyń «Qostanaı oblystyq ońaltý ortalyǵy» KMM dırektory.

10. Kan Vladımır Anatolevıch «Mejregıonenergotranzıt» JShS bas dırektory.