Qostanaı oblysynda eki zeınetkerdi óltirip ketti

QOSTANAI. QazAqparat - Qostanaı oblysyndaǵy aýyldardyń birinen eki zeınetkerdiń máıiti tabyldy, dep habarlaıdy QazAqparat.

Bul týraly Qostanaı oblysy polıtsııa departamentiniń baspasóz qyzmeti habarlady.

«1 naýryz kúni saǵat 11:00-de Altynsarın aýdanynyń polıtsııa bóliminiń kezekshi bólimine Altynsarın aýdanynyń Şerbakovo aýylyndaǵy jeke úıden 84 jastaǵy er adamnyń jáne 75 jastaǵy áıeldiń máıiti tabylǵany týraly habarlama tústi. Atalǵan faktini polıtsııa qyzmetkerleri QR QK 99 - babynyń 2-bóligi 1, 7, 8, 192-tarmaqtarynyń 3-bóligi 4-tarmaǵy boıynsha tirkegen», - dep habarlady polıtsııadan.

Oqıǵa ornyna jedel-tergeý toby, oblystyq polıtsııa departamentiniń basshylyǵy shyqty.

Jedel-izdestirý sharalaryn júrgizý barysynda 31 jáne 32 jastaǵy kúdiktiler anyqtalyp, ustaldy.

Olardyń biri zardap shekkenderdi jaqsy biletin bolyp shyqty. Sebebi buryn osy aýylda turǵan.

Kúdiktiler oblys ortalyǵynan aýylǵa zeınetkerlerdi tonaý maqsatynda kelgen. Aqsha talap etken er adamdar zeınetkerlerdi pyshaqtap ketken.

Qazirgi ýaqytta sotqa deıingi tergeý jalǵasýda.

Kúdiktiler ýaqytsha ustaý ızolıatoryna qamaldy.