Qostanaı oblysynda eki astyq qoımasyna jaı tústi
10:03, 03 Tamyz 2023
QOSTANAI. QazAqparat – Seısenbi, 1 tamyzda 21:50 shamasynda «Kompanııa SALAMAT» JShS dıirmen kesheniniń aýmaǵynda eki astyq qoımasy qırady. Bul týraly QazAqparat QR TJM Óndiristik qaýipsizdik komıtetine silteme jasap habarlaıdy.
«Boljam boıynsha, oǵan naızaǵaı túsken. Bul jaǵdaı apat dep qarastyrylady. Qurbandar men zardap shekkender joq», - dep habarlady vedomstvo.
Oqıǵa ornynda Qazaqstan Respýblıkasy Tótenshe jaǵdaılar mınıstrligi Qostanaı oblystyq departamentiniń Óndiristik qaýipsizdik komıtetiniń qyzmetkerleri jumys istep jatyr.
«Oqıǵaǵa qatysy bar adamdardyń bári anyqtalǵannan keıin, departament apatty tergeıtin komıssııa qurady. Tergeý nátıjesi qosymsha habarlanady», - dep tolyqtyrdy Óndiristik qaýipsizdik komıteti.