Qostanaı oblysynda dinı nysandardyń qyzmeti ýaqytsha toqtatyldy
«Jyl basynan beri 8 672 koronavırýs tirkeldi. Qazirgi ýaqytta 1096 statsıonarlyq tósek-oryn ornalastyrylǵan. Júktemesi 39,5 paıyzdy quraıdy. Qajet bolǵan jaǵdaıda tósek-oryn sanyn 3 myńǵa deıin arttyrýǵa daıynbyz. Osy jyldyń 18 qańtarynan bastap syrqattanýshylyqtyń ósýine baılanysty karantın talaptary 2 apta merzimge qatańdatyldy. Máselen, oblystyń bas sanıtar dárigeriniń qaýlysyna sáıkes, birqatar ózgeris engizildi. Dinı nysandardyń qyzmeti ýaqytsha toqtatyldy. Qoǵamdyq tamaqtandyrý nysandary jáne Halyqqa qyzmet kórsetý ortalyqtarynyń jumysy ýaqyty boıynsha shekteldi», - dedi ol.
Onyń aıtýynsha, senbi jáne jeksendi kúnderi aýdany 2 myńnan asatyn azyq-túlik emes saýda nysandary men jabyq azyq-túlik jáne azyq-túlik emes bazarlardyń, SPA ortalyqtardyń, sport nysandarynyń qyzmeti, sonymen qatar qoǵamdyq kólik qozǵalysy ýaqytsha toqtatyldy.
«Karantın talaptarynyń saqtalýyn baqylaý maqsatynda mobıldik toptar jyl basynan beri 942 reıd júrgizdi. 2 823 nysan tekserildi. 26 zańbuzýshylyq anyqtaldy. Atalǵan faktiler boıynsha 29 mln 200 myń teńgege 26 ákimshilik aıyppul salyndy. Dárilik zattarmen qamtamasyz etý maqsatynda turaqtandyrý qory 538 mln teńgege ulǵaıtyldy. Qazirgi ýaqytta koronavırýsqa qarsy jappaı vaktsınalaýǵa daıyndyq júrip jatyr. 71 birlik medıtsınalyq maqsattaǵy muzdatqysh, kameralar satyp alý boıynsha konkýrstyq rásimder aıaqtaldy. Birinshi toptamany jetkizý osy jylydń 10 aqpanynan bastalady», - dedi Arhımed Muhambetov oblysta dári-dármektiń 2 aıǵa jetetin qory bar ekendigin basa aıtty.