Qostanaı oblysynda bıýdjettiń 3,3 mlrd teńgesi ıgerilmeı qalǵan
Oblystyq máslıhattyń kezekten tys sessııasynda Qostanaı oblysynyń byltyr ıgerilmegen qarajatyn qaıta qarastyrý máselesi talqylandy.
Ekonomıka jáne bıýdjettik josparlaý basqarmasy basshysynyń orynbasary Elena Derııdiń sózinshe, 2017 jyly bıýdjettiń kiris bóligin asyra oryndaý arqyly biraz qarjy artylyp qalǵan.
«Qostanaı oblysynda byltyr bıýdjettiń 3 mlrd 326 mln teńgesi ıgerilmegen. Aldaǵy jyly osy qaldyq aqshanyń 1,116 mlrd teńgesin Qostanaıdaǵy jabyq fýtbol alańyn salýǵa jumsaý usynylady. Sondaı-aq, 836,8 mln teńge jolaýshylar kóligi jáne avtomobıl joldary basqarmasynyń qajettilikterine jumsalmaq. Bilim basqarmasyna 298 mln teńge qarastyryldy. Oblystyq jáne aýdandyq mańyzy bar 9 jolǵa 554,7 mln teńge bólinedi», - dedi Derıı óz baıandamasynda.
Atqarýshy bıliktiń bul usynysyn depýtattar biraýyzdan maquldady. Buǵan qosa, oblystaǵy 6 basqarma men ákim apparaty da qarjylaı kómek alatyn boldy. Oblys ákimi Arhımed Muhambetovtiń aıtýynsha, qaldyq aqsha kezek kúttirmeıtin sharýalarǵa jumsalady. Solardyń biri - jol máselesi.
«Bıyl oblystyq mańyzy bar joldardy 12 mlrd teńgege kúrdeli jóndeýden ótkizemiz. Byltyrdan qalǵan 554 mln teńge de úlken kómek bolǵaly tur. Jol jóndeý jumystary mamyr aıynda bastalady. Jospar boıynsha, ol 2018 jylǵy 15 qazanǵa deıin sozylady. Aldaǵy ýaqytta oblys ortalyǵynan shalǵaı ornalasqan Amangeldi men Jankeldın aýdandary arasyndaǵy jol da jańarady», - dedi óńir basshysy.
Munyń syrtynda depýtattar birneshe jobanyń oryndalýyn qoldady. Atap aıtqanda, 704 mln teńge Arqalyq jylý-energetıkalyq kompanııasyna mazýt satyp alý úshin, 383 mln teńge ıÝbıleınyı yqshamaýdanyna elektr jelilerin jetkizýge, taǵy 100 mln teńge Uzynkól aýdanyndaǵy mádenıet úıi ǵımaratyn kúrdeli jóndeýden ótkizýge beriledi. 500 mln teńgege jýyq qarajat alty aýdandaǵy jáne Lısakov qalasyndaǵy orta mekteptiń kúrdeli jóndeýine baǵyttalady.