Qostanaı oblysynda brakonerlermen kúresetin 8 mobıldi top quryldy
14:15, 19 Qańtar 2021
QOSTANAI.QazAqparat – Qostanaı oblysynda brakonerlermen kúres kúsheıtilip, mobıldi top quryldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Qostanaı óńirinde zańsyz ań aýlaýshylar azaımaı tur. Osyǵan baılanysty oblys kóleminde kezekti ret «Kıik» operatsııasy ótti. Nátıjesinde 136 zań buzýshy anyqtalyp, tirkeýge alyndy.
«Qostanaı oblysynda brakonerlermen kúres úshin Tabıǵatty qorǵaý oblystyq aýmaqtyq ınspektsııasy men oblystyq polıtsııa departamenti 8 mobıldi top qurdy. Olardyń tórteýi oblys perımetrinde emin-erkin reıd atqarady. Qazirge deıin 7 reıd sharasy ótkizildi. Zań buzǵan brakonerlerge 1 mln teńgeden astam aıyppul salyndy» delingen baspasóz habarlamasynda.
Qostanaı oblysynda kıik sany artyp, 111 myńǵa jetken. Jyldyq ósim 50 protsenttik deńgeıde qalyp otyr. Kıikterdi aýlaýǵa 2023 jylǵa deıin zań júzinde shekteý qoıyldy.