Qostanaı oblysynda bólim basshysy men esepshi mektepterdiń aqshasyn jymqyrǵan

QOSTANAI. QazAqparat – Qostanaı oblysy Altynsarın aýdany ákimdiginiń bilim bóliminiń esepshisi men bólim basshysy senip tapsyrylǵan memlekettik qarajatty jymqyrǵany úshin sot aldynda jaýap berdi, dep habarlaıdy QazAqparat tilshisi.

Іs derekterine súıensek, bólim basshysy men esepshi ózderine tapsyrylǵan memleket múlkin urlaýǵa qatysqan.

«Bólim basshysy memlekettik satyp alý júrgizýge jaýapty esepshimen sóz baılasý arqyly merdigerlerdiń mektepterdi jóndeý týraly sharttaryn qoldan jasaǵan. Іs júzinde jóndeý jumystary júrgizilmegen. Merdigerlerge jóndeý jumystaryn resmı túrde qyzmeti joq basqa adamdardyń jasaǵanyn jetkizgen. Osylaısha olar memleketke 11,5 mıllıon teńgege jýyq shyǵyn keltirdi», - delingen oblystyq sottyń habarlamasynda.

Sot úkimimen bilim bóliminiń basshysy 4 jylǵa bas bostandyǵynan aıyryldy. Ol ómir boıyna memlekettik qyzmette jumys isteý quqyǵynan aıyrylyp, memleketke keltirilgen zalal óndirip alyndy. Basshymen birge jymysqy árkeketke barǵan býhgalter 4,5 jylǵa túrmege jabyldy.

Úkim zańdy kúshine engen joq.