Qostanaı oblysynda bes júzden astam nysan qorǵaýǵa alyndy

QOSTANAI. QazAqparat - Qostanaı oblysynda kúzet qurylymdary 565 nysannyń qaýipsizdigin qamtamasyz etýde. Nysandarda 977 bekette 3400-den astam kúzetshi qyzmet etip keledi, dep habarlaıdy QazAqparat Qostanaı oblysy polıtsııa departamentiniń baspasóz qyzmetine silteme jasap.

«Bıyl kúzettegi páterlerdiń 5%-ǵa, sondaı-aq ártúrli menshik nysanyndaǵy obektilerdiń 8%-ǵa jýyq artýy baıqaldy. Ótken jyly kúzet qyzmetkerleri 16 qylmystyń betin ashty, 27 quqyq buzýshy ustaldy, kúzetiletin nysandarda 16 urlyqtyń aldyn aldy», - dep baıandady oblystyq polıtsııa departamentiniń kúzet qyzmetin qadaǵalaý bólimi bastyǵynyń mindetterin atqarýshy Abzal Bolatov.

Kúzet qyzmeti jyldan jylǵa ósip keledi. Zamanaýı jeke kúzet kompanııalary qyzmetterdiń keń spektrin kórsetedi: olar asa mańyzdy memlekettik jáne jekemenshik obektilerdiń qaýipsizdigin qamtamasyz etedi, urlyqtyń aldyn alady, júkterdi alyp júrý jáne ınkassatsııalaýdy júzege asyrady, obektilerdiń tehnıkalyq jabdyqtalýynyń saqtalýyn qadaǵalaıdy jáne obektilerde tártipti qamtamasyz etedi.

Oblystyń birqatar turǵyndary kúzet uıymdarynyń qyzmetine júginip, dabyl jáne beınebaqylaý qondyrǵylaryn ornatýda.