Qostanaı oblysynda belgisiz bireý ózin salyq qyzmetkeri retinde tanystyryp, aqsha bopsalaǵan
Qostanaı oblysy boıynsha Memlekettik kirister departamentine senim telefonyna Qostanaı qalasynda belgisiz tulǵa ózin salyq qyzmetkeri retinde tanystyryp, fıskaldyq chekterdiń berilýin tekseredi, tekserý júrgizý arqyly kásipkerlerge qaýip tóndiredi, aqsha bopsalaıdy degen dabyl tústi.
Memlekettik kirister komıteti atalǵan tulǵanyń memlekettik kirister organdaryna esh qatysy joq ekenin habarlaıdy.
Salyqtyq tekserý, tekserýge jatatyn máseleler kórsetilgen nusqama negizinde júrgiziletinine nazarlaryńyzdy aýdaramyz.
Sondaı-aq, Komıtet Salyq kodeksiniń 156-babynyń 1,2-tarmaqshalaryna sáıkes salyq tóleýshi salyqtyq tekserý júrgizý kezinde:
- salyq organynan tekserý júrgizý tártibine qatysty Salyq kodeksiniń jáne Qazaqstan Respýblıkasy zańnamasynyń erejeleri týraly aqparatty suratýǵa jáne olardan alýǵa;
- salyqtyq tekserý júrgizetin salyq organdarynyń laýazymdy tulǵalarynan salyqtyq tekserý júrgizý týraly nusqamany, sondaı-aq qyzmettik kýálikterdi nemese sáıkestendirý kartalaryn usynýdy talap etýge quqyly ekenin eske salady.
«Eger Siz qyzmetkerler tarapynan nemese memlekettik kirister organdarynyń qyzmetkerleri bolyp tabylatyn tulǵalar tarapynan zańsyz áreketterge, dórekilikke, zańsyz talaptarǵa, bopsalap aqsha alýshylyqqa jáne sybaılas jemqorlyq quqyqbuzýshylyqtardyń basqa da belgilerine tap bolsańyz, 8-7172-71-80-05 nómirine nemese aýmaqtyq memlekettik kirister departamentteriniń senim telefon nómirine habarlaýyńyzdy suraımyz. Saq bolyńyz!»,-delingen habarlamada.