Qostanaı oblysynda balyq aýlaýǵa tyıym salyndy

QOSTANAI. QazAqparat – Qostanaı oblysynda barlyq ózen-kólderde balyq aýlaýǵa ýaqytsha tyıym salyndy. Qostanaı oblystyq orman sharýashylyǵy jáne janýarlar dúnıesi aýmaqtyq ınspektsııasy reıd sharalaryn júrgizýde, dep habarlaıdy QazAqparat.

Oblystyq orman sharýashylyǵy jáne janýarlar dúnıesi aýmaqtyq ınspektsııasynyń balyq sharýashylyǵy bólimi basshysy Tańat Smaıylovtyń aıtýynsha, bul shara óńirdegi balyq qorlaryn tolyqtyrý úshin jasalyp otyr. Óıtkeni, sýyq sýlarda tirshilik etetin balyqtar kúzde ýyldyryq shashyp, kóbeıetin kezi. Sol sebepti tabıǵı túrdegi ósimin qalpyna keltirý mańyzdy.

«Osyǵan oraı oblysta «Ýyldyryq shashý-2019» dástúrli naýqany júzege asyrylýda.Oblysta 20 qazannan bastap, qarasha aıynyń sońyna deıin sany az balyqtardy aýlaýǵa tyıym salynady. Máselen, aqsaqa (sıg) tuqymdy balyqtar sırek kezdesedi jáne oblystyń ár aýdanynda tirshilik etedi. Sonymen qatar kásipshilik maqsatta da qarmaq salýǵa bolmaıdy. Al Qaratomar sý qoımasy jáne Halvaı aýylynan Aıat shahtasynyń bógetine deıingi aralyqtarda balyq aýlaý quraldaryn paıdalanýǵa jyl sońyna deıin ruqsat etilmeıdi. Turǵyndarǵa osyny eskertemiz. Búginge deıin 200-ge jýyq zań buzýshylyq anyqtalyp, brakonerlerge aıyppul salyndy», - deıdi Tańat Smaıylov.

Osy kúni oblysta 805 sý aıdyny bar. Olardyń 221-i balyq sharýashylyǵyna negizdelgen. Atalmysh ózenderdiń barlyǵynda balyq túrlerin kóbeıtý maqsatynda jumystar bastaldy.