Qostanaı oblysynda balabaqshalar jumys istep jatyr

QOSTANAI. QazAqparat – Qostanaı oblystyq bilim berý basqarmasynyń basshysy Záýre Baımenova óńirlik kommýnıkatsııalar qyzmeti alańynda sóz sóıledi, dep habarlaıdy QazAqparat tilshisi.

Vedomstvo basshysynyń málimetinshe, tótenshe jaǵdaı engizilgennen bastap Qostanaıda qysqy kanıkýl 16 qańtarǵa deıin sozyldy. 17 qańtarda olar shtattyq rejımde oqýǵa kirisýi kerek.

«Kolledjde bilim alýshylardyń kanıkýly 23 qańtarǵa deıin sozyldy. 24 qańtarda stýdentterge ekinshi semestr bastalady. Balabaqshalar tolyq jumys kúni formatynda shtattyq rejımde jumys istep jatyr», - dedi Záýre Baımenova.

Sondaı-aq, vedomstvo basshysy ata-analardan balalarynyń qaıda ekenin jiti baqylaýdy ótindi.

«Sizderden balalardyń qaýipsizdigine túsinistik tanytyp, olarmen únemi baılanysyp otyrýdy suraımyz. Balalardy adam kóp shoǵyrlanatyn oryndarǵa, saýda, oıyn-saýyq ortalyqtaryna, kınoteatrlarǵa, ashyq muz aıdyndaryna, sporttyq ortalyqtarǵa jalǵyz jibermeńizder», - dep atap ótti bilim berý basqarmasynyń basshysy.

Sondaı-aq, vedomstvodan týyndaǵan barlyq jaǵdaı týraly synyp jetekshilerine, mektepter, balabaqshalar men kolledj ákimshiligine habarlaýdy surady.

Janna Musabaeva