Qostanaı oblysynda azyq-túlik baǵasyn turaqtandyrýǵa 4,8 mlrd teńge bólindi

NUR-SULTAN. QazAqparat – Qostanaı oblysynda azyq-túlik baǵasyn turaqtandyrý úshin 4,8 mlrd teńge qarajat bólindi. Bul týraly QR Qarjy mınıstrliginen málim etti, dep habarlaıdy QazAqparat tilshisi.

«Qostanaı oblysynda azyq-túlik baǵasyn turaqtandyrý úshin birqatar is-shara qabyldandy. Áleýmettik mańyzy bar azyq-túlik taýarlaryna baǵa belgileý tetigin iske asyrýǵa 4 mlrd 803 mln teńge bólindi. Onyń ishinde turaqtandyrý qorynyń qyzmetine – 2 mlrd 819 mln teńge, «aınalym shemasyna« – 1 mlrd 984 mln teńge. Bul 2020 jylǵy deńgeıden 10 ese kóp», - delingen vedomstvo aqparatynda.

Mınıstrlik málimetinshe, óńirdiń Turaqtandyrý qorynda 8,1 myń tonna kóleminde 13 ataý boıynsha qor qalyptastyrylǵan.

Aıta keteıik, áleýmettik mańyzy bar azyq-túlik taýarlaryna baǵanyń ósýin tejeýdiń tıimdi quraldarynyń biri saýda nysandaryna «aınalym shemasy» arqyly jeńildikpen kredıt berý, ıaǵnı ákimdikterdiń saýda júıesine qatysýshylar úshin jeńildikti paıyzben qaryz qarajatyn bólýi bolyp sanalady.

Bul saýda jelilerine jergilikti óndirýshilerden satyp alynatyn ónim kólemin, onyń ishinde forvardtyq kelisimsharttar jasasý arqyly keńeıtýge, al óndirýshilerge óz taýarlaryna bosatý baǵasyn belgileýge múmkindik beredi. Jeńildikti qaryzdar ala otyryp, saýda jelileri ónimniń jekelegen túrleriniń belgili bir kólemine baǵany ustap turý boıynsha qarsy mindettemelerdi ózine alady. Nátıjesinde bul taýarlar naryq baǵasynan ortasha 15-20 paıyzǵa tómen baǵamen satylady.