Qostanaı oblysynda aýyldaǵy kópirdi sý basty

QOSTANAI. QazAqparat – Qostanaı oblysynyń TJD áleýmettik jelide jarııalanǵan aýdandardyń birindegi erigen sý basyp ketken kópirdiń vıdeosyna qatysty túsinikteme berdi, dep habarlaıdy QazAqparat tilshisi.

«Beıimbet Maılın aýdanynda erigen qar sýy turǵyndar ózder turǵyzǵan kópirdi basyp ketti. Ótkel 50 turǵyny bar, aýdan ortalyǵynan 10 shaqyrym jerde ornalasqan Jýravlevka aýylyna aparady, Bul jaǵdaı jyl saıyn qaıtalanady. Eldi meken men turǵyndarǵa eshqandaı qaýip týdyrmaıdy. Eldi mekender arasyndaǵy qatynas buzylǵan joq, 250 shaqyrymdaı jerde aınalyp baratyn jol bar», - dep habarlady TJD ókili.

Sonymen qatar qaýipsizdik maqsatynda bul ýchaskede jergilikti polıtsııa qyzmeti jáne TJ qyzmetkerlerinen beket qoıyldy. Tyıym salý belgisi ornatylyp, jaryq shaǵylystyratyn baý tartylǵan.

TJD búgin tús shamasynda sý deńgeıiniń tómendegenin habarlady.