Qostanaı oblysynda aýyl sharýashylyǵy tehnıkasyn qaıta óńdeý jobasy iske qosylady

NUR-SULTAN. QazAqparat – Jaqynda Qostanaı oblysynda aýyl sharýashylyǵy tehnıkasyn kádege jaratýǵa jáne qaıta óńdeýge baǵyttalǵan joba iske qosylady. Bul týraly óńir ákimi Arhımed Muhambetov aıtty, dep habarlaıdy QazAqparat tilshisi.

«Kelesi joba aýyl sharýashylyǵy tehnıkasyn kádege jaratýǵa jáne qaıta óńdeýge baǵyttalǵan («Avtorısaıklıng» jaýapkershiligi shekteýli seriktestigi). Qazirgi ýaqytta qurylys jumystary aıaqtalýǵa jaqyndady. Bir aptadan keıin osy jobany iske qosamyz», - dedi A. Muhambetov Ortalyq kommýnıkatsııalar qyzmetinde.

Onyń aıtýynsha, jyl saıyn munda jylyna 5,5 myńdaı aýyl sharýashylyǵy tehnıkasyn kádege jaratýdy júzege asyrý josparlanýda.

«Kórshi oblystaryndaǵy eski tehnıkalardyń barlyǵyn bizdiń óńirde ýtılızatsııa jasaımyz», - dedi oblys ákimi.