Qostanaı oblysynda aýrýhana órtenip jatyr
21:00, 09 Qarasha 2020
QOSTANAI.QazAqparat – Qostanaı oblysynyń Fedorov aýdanynda aýrýhana órtenip jatyr, dep habarlaıdy QazAqparat.
Aqparatty oblystyq densaýlyq saqtaý basqarmasynyń baspasóz hatshysy Ksenııa Jılkıbaeva rastady.
«Qostanaı oblysynyń Fedorov aýdandyq aýrýhanasy órtenip jatyr. Órt ǵımarat shatyrynan bastaldy. Qazirgi ýaqytta barlyq naýqastar men aýrýhana qyzmetkerleri oqshaý aımaqqa kóshirildi. 50-den astam patsıent evakýatsııalandy. Zardap shekkender joq», - dedi ol agenttik tilshisine.
Órttiń naqty sebebi anyqtalyp jatyr. Oqıǵa ornynda 6 órt sóndirý tehnıkasy jumys isteýde. Oblys ortalyǵynan 3 arnaıy tehnıka jumyldyryldy.