Qostanaı oblysynda aýdan ákiminiń orynbasary ókilettigin asyra paıdalanǵany úshin sottaldy
Sot aýdan ákiminiń orynbasary S.-ǵa qatysty QR QK-niń 362-baby, 4-bóligi, 3-tarmaǵy boıynsha úkim shyǵardy.
«S. jer komıssııasynyń tóraǵasy bola tura, 2020 jyldyń sáýiri men tamyzy aralyǵynda túrli syltaýmen «Qostanaı aýdany» Safronov» paıdaly qazba ornynan topyraq óndirý isimen aınalysatyn «Remdortehnık» JShS dırektory S.-ǵa ýaqytsha óteýli jer paıdalaný quqyǵyn qoldanýǵa kelisim bermegen», - dep túsindirdi oblystyq sotta.
Nátıjesinde S. QR Jer kodeksi talaptaryna qaıshy óz ókilettigin asyra paıdalanyp, «Remdortehnık» JShS dırektory S.-nyń jer ýchaskesin alý sharty retinde Zarechnoe aýylyndaǵy kóshe bóligin gazdandyrýǵa kelisimin alǵan.
«Sonymen qatar «Remdortehnık» JShS dırektory S. 10 820 000 teńge somasynda qarajat bergen merdiger fırmany belgilegen. Bul rette «Remdortehnık» JShS-nyń zańdy quqyqtary men múddesi buzylyp, iri kólemde eleýli zııan keltirildi», - dep atap ótti sotta.
Oblystyq sot málim etkendeı, QK-niń 362-baby 4-bóligi 3-tarmaǵy jazanyń balamasyz túrin qarastyrady: bes jyldan on jylǵa deıin bas bostandyǵynan aıyrý.
«Sot kúdiktini kináli dep tanyp, oǵan 5 jyl 6 aı kóleminde orta qaýipsizdiktegi qylmystyq-atqarý júıesiniń mekemesinde jazasyn óteýdi belgiledi. Qylmysker endi memlekettik qyzmette jumys isteı almaıdy», - dep qorytyndylady Qostanaı oblystyq sotynda.
Úkim zańdy kúshine engen joq.