Qostanaı oblysynda aýdan ákimi múlkin qıturqylyq jolmen zańdastyrǵan
20:59, 20 Qazan 2016
QOSTANAI. QazAqparat - Búgin Qostanaı oblystyq sotynyń apellıatsııalyq alqasy Qostanaı oblysy Jangeldın aýdanynyń ákimi Asqarbek Kenjeǵarınniń Malaıa Chýrakovka aýylyndaǵy turǵyn úıin zańdastyrý jumystaryn talapqa saı emes dep taný týraly qaýly shyǵardy.
Sot zeınetker Omarhan Muhıtbekovtyń óz úıin Kenjeǵarınniń zańsyz ıelengeni jáne satyp jibergeni týraly shaǵymyn qarady jáne qanaǵattandyrdy.
Apellıatsııa alqasy Qostanaı oblysy Altynsarın aýdanynda ótken birinshi deńgeıdegi sottyń sheshimin joqqa shyǵardy. Onda zeınetkerdiń talaby qabyldanbaı, ákimniń múddesi qorǵalǵan edi.